13 бөбекжайында "Мамандыққа алғашқы қадамдар" бағыты бойынша балалармен «Алуан-алуан кәсіп бар, таңдай біл, талап қыл!» атты сюжеттік ойындар ұйымдастырылды.

Ойын барысында балалар әртүрлі мамандықтарды танып, олардың ерекшеліктерімен танысты. Мысалы, дәрігер, мұғалім, құрылысшы, аспаз, және тағы басқа мамандықтар туралы қызықты ақпараттар берілді. Балалар өздерінің сүйікті мамандықтарын таңдап, сол мамандыққа тән әрекеттерді орындап, рөлдік ойындар арқылы тәжірибе жинақтады. Сюжеттік ойындар барысында балалар шығармашылық қабілеттерін дамытып, командалық жұмыс жасау дағдыларын жетілдірді. Олар өзара пікір алмасып, бір-біріне көмектесіп, әр мамандықтың маңыздылығын түсінді. Ойынның соңында балалар өздерінің алған білімдерін ортаға салып, болашақта қандай мамандық иесі болғысы келетіндерін айтып, өз армандарымен бөлісті. Бұл іс-шара балалардың кәсіптік бағдар алуына, өз қызығушылықтарын анықтауға және болашақта таңдаған мамандықтарына деген қызығушылықтарын арттыруға үлкен септігін тигізді.