🚨 ҚҰРМЕТТІ АТА-АНАЛАР: БАЛА ҚАУІПСІЗДІГІ – БІЗДІҢ БАСТЫ МІНДЕТІМІЗ!

Балалардың өмірі мен денсаулығын қорғау — әрбір ата-ананың ең маңызды парызы. Жазғы демалыс пен жылы күндердің келуіне байланысты, балаларымыздың қауіпсіздігіне ерекше назар аударуымыз қажет. Осы мақсатта бақшамызда ата-аналарға арналған арнайы қауіпсіздік жадынамалары таратылды. Жадынамадағы ең маңызды ережелерді тағы бір мәрте еске саламыз: 🚸 1. Жол қозғалысы ережелері (ЖҚЕ) Үлгі болыңыз: Жолдан тек жаяу жүргіншілер өтпесінен (зебра) және бағдаршамның жасыл түсіне ғана өтіңіз. Бала сіздің әрекетіңізді қайталайды. Құлаққап пен телефон: Жолдан өтерде баланың құлаққапты шешуін және телефонға алаңдамауын қадағалаңыз. Жарық шағылыстырғыш: Кешкі уақытта баланың киімінде немесе рюкзагында жарық шағылыстырғыш элементтердің (фликерлер) болуын қамтамасыз етіңіз. 🌊 2. Су айдындарындағы қауіпсіздік Жалғыз қалдырмаңыз: Балаларды су қоймаларының, өзендер мен көлдердің жанында ешқашан қараусыз қалдырмаңыз. Тіпті тайыз судың өзі қауіпті. Шомылу орындары: Тек арнайы рұқсат етілген, құтқарушылары бар жағажайларда ғана шомылуға рұқсат беріңіз. Қорғаныс құралдары: Жүзе алмайтын балаларға міндетті түрде құтқару кеудешелерін немесе нарукавниктерді кигізіңіз.